श्रावण
शब्दहरु खेलाउन बानी नपरेको मान्छे म,
जान्दै जान्दिन, जानेको भए तपाईलाई पढिरहुँ झैं लाग्ने लिखिरहन्थे, तर पनि
कहिलेकहि यसो शब्दहरु थुपार्न मन लाग्दो रहेछ । हो त्यहि रहरको हिस्सा मात्रै हो
यो, करिब चार बर्ष पहिले थुप्राएको यो थुप्रो, कतै हेरफर गर्न मनले मानेन । मनले
नै नमानेपछि जबरजस्ती गर्न मन लागेन । देखिनलाई थुप्रो मात्रै देखिएपनि जिन्दगीका
अनुपम “याद”हरु मध्येको एक जरुर हो । जसले जिन्दगी बाच्नका निम्ति हरपल प्रेरणा
दिइरहन्छ ।
 |
| भुइँमान्छे |
एउटै टेबुलको आमुन्ने सामुन्ने छौ हामी
हातमा हरिया, पहेला चुरा छन उसका
सायद उसलाई पनि त श्रावण लाग्यो होला नी
उ आफ्ना हातका चुरा हेर्छे
एउटा चुरा एसो ताने जस्तो गर्छे
२ टुक्रा हुन्छ चुरा
म गाली गर्छु चुरा फुटाएकोमा
उ मौन रहन्छे र फुटेका दुई टुक्रा मध्ये
एउटा आफ्नो कालो सलमा बेटर्छे
भन्छे "हेर्छु नि हजुरले मलाई कति माया गर्नुहुन्छ "
र फुटाउछे फेरि
दुइटुक्रा मात्र हुन्छ चुरा
उ रिसाउछे र भन्छे
"नाई तपाईं त माया नै गर्नुहुन्न मलाई"
म फेरि चुरा फुटाउन लगाउछु
अहिले तीन टुक्रा हुन्छ चुरा
उ औंधि खुसि हुन्छे र भन्छे
"हजुरले जति त कसैले गर्दैन मलाई माया"
उ फुटेका चुराहरुमा तौलिन्छे मेरो प्यार
म उसका निश्चल आखाहरुमा खोजीरहन्छु .
के प्रेम चुराहरुले ब्यक्त गर्लान ?
या आखाहरुले ?
अबाक छु म ।
तर साच्चै "म उसलाई आफुभन्दा बढि माया गर्छु ।"
"भुइँमान्छे"
Comments
Post a Comment