डेभिड ढकाल “भुइँमान्छे” अहिले नेपाली राजनीतिका वृत्तमा एमाले माओवादी केन्द्रको एकताको विषयमा चर्चा परिचर्चा ह्वात्तै बढेको छ ! अझ माओवादी केन्द्रमा यसले सकारात्मक तथा नकारात्मक प्रभावहरु देखा पर्न थालेका छन् ! पार्टी एकताको निम्ति सहमति भएको भोलिपल्टै नेता गोपाल किरातीले महान जनयुद्ध र अमर शहिदहरुलाई अपमान गरेको भन्दै विज्ञप्ति निकालिसकेका छन् ! सामाजिक सञ्जालमा खुसि मनाउने र दुखि हुनेहरु को चर्का चर्कि देखिन थालिसकेको छ ! आझ विगतमा माओवादी केन्द्रबाट छुट्टिएका बैध्य , विप्लव निकट माओवादी कार्यकर्ता र नयाँ शक्तिका कार्यकर्ताहरुले माओवाद बिसर्जन भएको र प्रचण्ड ले एमालेमा पार्टी विलय गराएका सम्मका आलोचना गर्न थालेका छन् ! नेकपा (एमाले) र नेकपा (माओवादी) केन्द्र को एकीकरणको प्रारम्भिक आधारहरुको ३ नम्बर बुदामा एमालेको जबज र माओवादी को ‘माओवाद र २१ औं शताब्दीमा जनवाद’ दुबै बिषयमा छलफल खुल्ला रहेको र छलफलको माध्यमबाट आवश्यक परिमार्जन र विकास गर्न सकिने उल्लेख छ ! जसको हल अबको एकता महाधिवेशन बाट मात्रै हुने पक्कापक्कि भइसकेको ...
